کوئٹہ گلیڈی ایٹرز نے سنسنی خیز مقابلے کے بعد لاہور کو شکست دے دی

کپتان سرفراز احمد نے آخری گیند پر چھکا لگا کر ٹیم کو فتح لاہور قلندرز سے چھین لی کوئٹہ گلیڈی ایٹرز نے 144 رنز کا ہدف 7 وکٹوں کے نقصان پر اننگز کے آخری اوور میں حاصل کیا سرفراز 52 رنز بنا کر ناٹ آئوٹ رہے ،حسن علی کے 40رنز لاہور قلندرز کی جانب سے کپتان اے بی ڈویلیئرز 45 سہیل اختر نے 29 اور ویس نے 19 رنز کی اننگز کھیلی

پاکستان سپر لیگ کے چوتھے ایڈیشن کے بارہویں میچ میں کوئٹہ گلیڈی ایٹرز نے سنسنی خیز مقابلے کے بعد لاہور قلندرز کو 3 وکٹوں سے شکست دے دی۔کوئٹہ گلیڈی ایٹرز نے 144 رنز کا ہدف 7 وکٹوں کے نقصان پر اننگز کے آخری اوور کی آخری گیند پر حاصل کیا۔ سرفراز نے 52 رنز بناکر ناٹ آئوٹ رہے شارجہ کرکٹ اسٹیڈیم میں کھیلے گئے میچ میں کوئٹہ گلیڈی ایٹرز کے کپتان سرفراز احمد نے ٹاس جیت کر لاہور قلندرز کو پہلے بیٹنگ کی دعوت دی تھی۔

قلندرز کی جانب سے فخر زمان اور سہیل اختر نے اننگز کا آغاز کیا لیکن دوسرے ہی اوور میں فخر زمان 3 رنز بنا کر آؤٹ ہو گئے۔سلمان بٹ پی ایس ایل میں اپنے دوسرے میچ میں بھی نہ چل سکے اور 5 رنز بنا کر کیچ آؤٹ ہو گئے۔

لاہور کے تیسرے آؤٹ ہونے والے کھلاڑی سہیل اختر تھے جو 29 رنز بنا کر آؤٹ ہوئے۔قلندرز نے مقررہ 20 اوورز میں 7 وکٹوں کے نقصان پر 143 رنز بنائے۔

لاہور کی جانب سے کپتان اے بی ڈویلیئرز 45 رنز بناکر ناٹ ا ٓؤٹ رہے جب کہ سہیل اختر نے 29 اور ویس نے 19 رنز کی اننگز کھیلی۔ کوئٹہ گلیڈی ایٹرز کی جانب سے غلام مدثر نے 3 اور سہیل تنویر نے 2 کھلاڑیوں کو آؤٹ کیا۔لاہور قلندرز کے 144 رنز کے ہدف کے تعاقب میں کوئٹہ گلیڈی ایٹرز کی جانب سے اننگز کا آغاز شین واٹسن اور احسن علی نے کیا لیکن شین واٹسن بغیر کوئی رنز بنائے پویلین لوٹ گئے جنہیں راحت علی نے آؤٹ کیا۔

احسن علی اور کپتان سرفراز احمد کی ذمہ دارانہ بیٹنگ کی بدولت گلیڈی ایٹرز نے اننگز کے آخری اوور کی آخری گیند پر ہدف حاصل کیا۔گلیڈی ایٹرز کے کپتان سرفراز نے آخری گیند پر چھکا لگاکر ٹیم کو فتح سے ہمکنار کرایا اور اپنی نصف سنچری بھی مکمل کی۔ سرفراز نے 52 رنز بناکر ناٹ آ،ْٹ رہے جب کہ احسن علی 40 اور محمد نواز 19 رنز بناکر نمایاں رہے۔لاہور قلندرز کی جانب سے حارث رؤف نے 2، راحت علی، یاسر شاہ، ویس اور لمی چنے نے ایک ایک کھلاڑی کو آؤٹ کیا۔