پشاور زلمی نے چین کے بعد ترکی کو بھی پی ایس ایل جوش کا حصہ بنادیا

دبئی (تازہ ترین۔ 14 فروری2019ء) پشاور زلمی نے چین کے بعد برادر ملک ترکی کو بھی پی ایس ایل جوش کا حصہ بنادیا ۔میڈیا رپورٹ کے مطابق ترکی کے دو نوجوان کرکٹرز گوہان گوتک اور مہمت آدین پی ایس ایل فور میں پشاور زلمی سکواڈ کے ہمراہ موجود اور ٹریننگ حاصل کریں گے۔

اس حوالے سے پشاور زلمی کے چیئرمین جاوید آفریدی نے کہا ہے کہ ترکی کے دونوں کرکٹرز کو زلمی سکواڈ کے ہمراہ ٹریننگ سے بہترین تجربہ حاصل ہوگا۔ انہوں نے کہا کہ گزشتہ سال چین اور رواں سال ترکی کے کرکٹرز کے زریعے پی ایس ایل پوری دنیا میں مقبول ہوگی۔