وفاقی حکومت کا متروکہ وقف املاک بورڈکو سیا سی بنیادوں کی بجائے کمرشل اور پروفیشنل بنیادوں پر چلانے ک

وفاقی حکومت نے متروکہ وقف املاک بورڈکو سیا سی بنیادوں کی بجائے کمرشل اور پروفیشنل بنیادوں پر چلانے کا فیصلہ کیا ہے اس سلسلے میںوزیر اعظم عمران خان کے حکم سے متروکہ وقف املاک بورڈ کے چیئر مین کے انتخاب کے لئے 6رکنی کمیٹی تشکیل دیدی۔ذرائع کے مطابق وفاقی وزیر مذہبی امور و بین المذاہب ہم آہنگی نور الحق قادری کو کمیٹی کا سربراہ بنایا گیا ہے ۔

ذرائع کے مطابق ڈاکٹر عشرت حسین ، ایڈوائزر برائے وزیر اعظم برائے انسٹی ٹیوشنل ریفارمز اینڈ آسٹریریٹی کمیٹی کے ممبربنا دئیے گئے ۔ذرائع کے مطابق وفاقی سیکرٹری مذہبی امور ، وفاقی سیکرٹری کیبنٹ ڈویژن، وفاقی سیکرٹری اسٹیبلشمنٹ اور وفاقی سیکرٹری قانون و انصاف بھی کمیٹی میں بطور ممبر شامل کئے گئے ہیں۔ذرائع کے مطابق متروکہ وقف املاک بورڈ کے سربراہ کا انتخاب سیا سی بنیادوں کی بجائے اہلیت کی بنیاد پر کیا جائے گا۔ذرائع کے مطابق وزیر اعظم کے حکم سے بنائی گئی کمیٹی چیئر مین کے لئے آنے والی 150سے زائد درخواستوں پر کارروائی عمل میں لائے گی۔ ذرائع کے مطابق ڈپٹی سیکرٹری مذہبی امور سید سفیر حسین شاہ نے کمیٹی کے قیام کا نوٹیفیکیشن جاری کر دیا۔