سنی لیونی پر5لاکھ روپے واپس نہ کرنیکا الزام

بھارتی فلم پروڈیوسر اور دسٹری بیوٹر بھارت پٹیل نے الزام عائد کیا ہے کہ سنی لیونی نے اُن کے پانچ لاکھ روپے واپس نہیں کیے جو اُنہوں نے مبینہ طور پر 2015ء میں فلم ’’پٹیل کی پنجابی شادی‘‘ میں ڈانس نمبر کیلئے لئے تھے۔

پٹیل کا کہنا ہے کہ سنی لیونی کو گانے کے لئے کل 40لاکھ روپے ادا کرنے تھے، جس میں 5لاکھ کنٹریکٹ کے وقت، مزید 5لاکھ  لُک ٹیسٹ کے بعد، 10لاکھ ریہرسل کے دوران اور باقی 10لاکھ فلم کی پروموشن کے وقت دینے تھے۔

فلم پروڈیوسر کا کہنا ہے کہ سنی لیونی کو 5لاکھ روپے دے دیئے گئےتھے لیکن جب شوٹنگ کا آغاز ہوا تو سنی نے پروڈکشن ٹیم کی تمام فون کالز نظرانداز کردیں۔

دوسری جانب سنی لیونی کے ذرائع نے ان دعووں کو فضول قرار دیتے ہوئے مسترد کردیا ہے۔