اسپیکر سندھ اسمبلی آغا سراج درانی کی گرفتاری پر بلاول بھٹو زرداری کا رد عمل

چئیرمین پاکستان پیپلز پارٹی بلاول بھٹو زرداری نے اسپیکر سندھ اسمبلی آغا سراج درانی کی گرفتاری پر رد عمل دیتے ہوئے کہا کہ وفاق کی اکائی کےاسپیکرپرحملہ ناقابل قبول ہے۔ مائیکروبلاگنگ ویب سائٹ ٹویٹر پر اپنے پیغام میں بلاول بھٹو زرداری کا کہنا تھا کہ ہم بے نامی وزیراعظم کو بے وردی آمریت قائم نہیں کرنے دیں گے۔

یہ سندھ حکومت کو تحلیل کرنے کی غیر قانونی کوشش ہے۔ خود مختاراداروں کو سیاسی انجینئیرنگ کاحصہ نہیں بننا چاہئیے۔

انہوں نے کہاکہ ہم نیب مقدمات کا سامنا کریں گے اور نیب کا مقابلہ بھی کریں گے ، اگر مجھے جیل بھی جانا پڑا تو آپ سب کو معلوم ہی ہے کہ وہ شروع سے میرا دوسرا گھر ہے ، بلاول بھی میرا اور اپنی ماں کا بیٹا ہے، اُن کو بھی یہ لوگ ڈرا رہے ہیں، ڈراؤ اُن کو جنہوں نے کبھی مشکل حالات نہ دیکھے ہوں۔ آصف علی زرداری نے مزید کہا کہ نیب قوانین میں تبدیلی ہونی چاہئیے۔

واضح رہے کہ اس سے قبل پاکستان پیپلز پارٹی کے شریک چئیرمین آصف علی زرداری نے بھی اسپیکر سندھ اسمبلی آغا سراج درانی کی گرفتاری کی مذمت کی تھی۔ اسپیکر سندھ اسمبلی آغا سراج درانی کی گرفتاری پر رد عمل کا اظہار کرتے ہوئے پاکستان پیپلز پارٹی کے شریک چئیرمین آصف علی زرداری نےکہاکہ آج اسپیکر سندھ اسمبلی آغا سراج کو گرفتار کر لیا گیا ہے